Cyfathrebu â rhieni

ASESU AC ADRODD BLYNYDDOEDD 7 – 9

Seilier yr adrodd i rieni ar dargedau a osodir bob blwyddyn.  Gosodir y targedau dechreuol ym Mlwyddyn 7 gan ystyried canlyniadau blaenorol y disgybl wrth drosglwyddo o’r ysgol gynradd, a’r profion deallusrwydd llythrennedd a roddir ar ddechrau Blwyddyn 7 yn Ysgol Ardudwy, ac adnabyddiaeth yr athrawon o’r disgyblion yn ystod misoedd cyntaf Blwyddyn 7.  Bydd cyfarfod arbennig i rieni a disgyblion Blwyddyn 7 ddiwedd Tachwedd pan gyflwynir y targedau.  Yna bydd adrodd i rieni ar y perfformiad yn erbyn y targedau yn digwydd bob hanner tymor gydag adroddiad llawn ym mis Gorffennaf.

Ar ddechrau Blynyddoedd 8 a 9 gosodir targedau newydd.  Bydd adroddiad cynnydd interim, sef un dudalen grynodol yn cael ei gyhoeddi bob hanner tymor gydag adroddiad llawn manylach gyda thudalen ar gyfer pob pwnc unwaith y flwyddyn.

Os bydd disgybl yn gwneud cynnydd rhagorol ac wedi cyrraedd ei darged cyn diwedd y flwyddyn bydd targed newydd yn cael ei osod bryd hynny.

Dylai disgybl wneud cynnydd sydd yn cyfateb i o leiaf hanner lefel gyrhaeddiad bob blwyddyn.